Rosa?

Eg fann ut at ein klut virka som eit passande prosjekt. Det tok berre ein dag å strikke, men fleire veker å feste dei to trådane.
Ser mange har strikka den, og eg skjønnar kvifor. Eg syns den blei kjempefin, men ikkje heilt min farge. Skal prøve litt anna garn og lage den litt større neste gong. Og so sjølvsagt i ein blåtone, ikkje rosa :)
Garn: Tuva, Europris
Pinnar: 3,5
Oppskrift: 1. pinne; *1 r, 1 vr* gjenta pinnen ut,
2. pinne; rett
gjenta 1. og 2. pinne til du syns den er stor nok.

Her er bilde av den ilag med det skjønne kortet eg fekk av kjæresten min på søndag :)


Var og å kjøpte meg plastkasse til strikketinga mine her om dagen. Det er ikkje så veldig mykje der, men litt forskjellig. Skal bli kjekt å prøve fleire ting etter kvart.

Panneband

Planen var egentli å begynne på eit sjal, men garnet var altfor tjukt. Det skulle strikkast på pinnar 8, men såg ut som om det var sytråd, og eg kom heim med viking balder-garn. Men då var det berre å finne eit anna prosjekt, så då vart det eit tjukt panneband. Det vart strikka på vei tilbake til Bergen etter juleferien, på pinnar 8. Berre vanleg rillestrikk fram og tilbake.

Eg er ikkje så stor fan av så store panneband, så dette blei en del av bursdagsgåva til mi beste venninne, L. Det verka iallefall som at det fall i smak :)

Blomst

Til jul fekk eg gåvekort på bokhandelen, og bestemde meg då for å kjøpe ei strikkebok. "Strikking - gammel teknikk i ny design" av Lilly Secilie Brandal og Bente Myhrer fann vegen heim, og den enklaste oppskrifta eg fann var ein liten blomst. Garnet var ein rest frå eit prosjekt systra mi strikka på, og pinnane nokre eg fann nederst i ein plastpose(3,5). Strikka rundt nokre centimeter og snurpa saman. Fargane er mine favorittar, for her med meg er det blått, lilla og grønt som gjeld. Etter at eg sydde i ei lita perle i midten sa eg meg ferdi. Men at det liknar på ein blomst må ein nok ha litt fantasi for å sjå... Skjønn er den i alle fall.

Det var ein gong...

...på eit tog. Mange timar med ingenting å finne på gjorde at to nøster garn, eit par strikkepinnar og ei nybegynnerbok fann vegen ned i reiseveska mi. Grunnen til det var en del inspirasjon frå Magfly og etterkvart andre strikkeblogga eg begynte å lese etterpå.

Så når toget rulla ut av perrongen var det berre å opne boka på side ein og lære korleis ein legg opp, for det har eg aldri gjort sjølv før(på tide å lære det!). Ein liten repetisjon av rettmasker viste at desse satt ok, før vrangmaskene etter ei stund òg gjekk greitt. Det vansklegaste var faktisk å sjå kva som var rett og vrangt når eg snudde og skulle strikke mønster! Etter turen fram og tilbake såg min kjære prøvelapp slik ut:

Kanskje blir det noke av det etter kvart?

Smarting altså...

Eg har jo ikkje akkurat vert aktiv her inne, sjølv om eg lese andre sine bloggar kvar dag. Grunnen er at eg ikkje fekk bilda mine inn på dataen; kabelen til kameraet låg nemleg igjen heime. På bussen oppdagar eg at min nye PC har minnekortlesar.... Menmen, no har eg både kabel og minnekortlesar og er klar til å begyne å blogge. I`ll be back!