Vottar på to pinnar

Mamma bestilte svarte vottar etter at eg byrja å strikke, og fekk dei liksom til morsdagen 2010. Då var ein vott neste ferdig, og eg var ikkje veldig motivert. Mønsteret er for så vidt enkelt, men størrelsen blei aldri riktig. Etter å ha byrja på fire vottar, satt eg igjen med to som var like store. Strikking av tommel og samansying tok ikkje lang tid, og eit halvt år for seint blei vottane overlevert…


Dei er ikkje veldig fine, men held som køyrevottar til jobben for mamma. Garnet er supermjukt, men splittar seg litt. Det gjer likevel ikkje så mykje og eg syns det er eit flott garn til tilbehør som skal vere nær huda.

Mønster: Votter på to pinner, side 67 i Strikking av Lilly Secilie Brandal og Bente Myhrer
Garn: Drops Merino Extra Fine, svart
Pinnar: 4
Ferdige: august 2010

Bestillingshue

Eg visste ikkje heilt kva eg skulle byrje på, så eg spurte lisjebroren om han ville ha noko. Bestillinga vart ei raud hue (yndlingsfargen) med dusk. Eg hadde då ei god unnskyldning for å bestille litt nytt garn, og gjorde det via strikkenett.no. Rask levering og eg fekk med eit oppskriftshefte i tillegg. Hua gjekk fort på store pinnar, og var enkel å strikke. Dusken sulle vere stor, men eg overdreiv garnmengda litt (les: masse) og hua datt nesten av hovudet på grunn av tyngda av dusken. Mamma måtte fikse den med å dra ut litt trådar…


Mønster: Dropshue med dusk
Garn: Drops Eskimo, rød
Pinnar: 9
Ferdig: mars 2011


Hua passa visst fleire enn den var tiltenkt :P

Trollsokkar

Då mamma og pappa skulle rydde litt med Besten fann dei to søppelsekkar med garn. Mykje rare ting, men òg mykje ullgarn i flotte fargar. Sidan eg ikkje strikkar i store mengder klarte eg å berre ta med eit par nøster heim. Det eine var eit hespe koksgrått sokkegarn kalla Trollgarn. Kva det bestod av anna enn "blanding av ull og nylon" var ikkje råd å finne ut, og anbefalt pinnestørrelse eksisterte heller ikkje. Oppskrift på sokkar blei då til litt på sparket og med element frå ulike plassar. Sokkane er gode og varme, og sjølv om helfellinga gav litt klumpar er dei flotte å ha i skoa.


Mønster: Trollsokkar, eigenkomponert
Garn: Trollgarn, koksgrå
Pinnar: 3,5 mm
Ferdig: september 2011

Raude sokkar

I jula i fjor fekk eg høyre at min kjære gjekk med raude søkkar då han var liten. Dette har blitt litt harselert med i det siste, og då han ønska seg gode og varme sokkar til Svalbardtur, var ikkje fargevalet noko vanskeleg.

Garnet er Arwetta Strømpegarn kjøpt frå 123knit. Eg la først opp på pinnar 2,5 til Java-sokkar. Det blei veldig fint, men etter å ha strikka nokre cm, innsåg eg at dette ikkje blei sokker til Svalbard i august. I alle fall ikkje august dette året... Løysinga blei vanlege tjukkesokkar i dobbelt garn. Sokkan blei overrekt på vårt 2 års jubileum, på Flesland på veg til Svalbard.


Mønster: Tjukkesokkar
Garn: Arwetta strømpegarn - raud (139)
Pinnar: 3,5
Ferdige: 16. august 2011


Her er sokkane saman med mine eigne fantastiske vaffler :)

Molly

I sommar jobba eg i Oslo eg hadde ikkje så mykje å gjere kvar ettermiddag. Det blei då litt strikketid framfor TVen. Sidan eg skulle til Svalbard i august måtte eg ha litt varme ullkle, og ei ny hue. Mønsteret var veldig enkelt, og blei superfint!




Mønster: Molly
Pinne: 4
Garn: Drops Merino Extra Fine, mørk lilla
Ferdig: juli 2011

Meis i postkassa

Eg har ikkje vert flink til å blogge, men eg har virkelig lest mange bloggar. Eg har òg snusa innom nettbutikkar etter godbitar, og vil gjerne prøve mest mogleg innanfor garn og typar. Noko av det eg har høyrt mykje om er Wollmeise. Eg har vert innom butikken eit par gonger før, men der har alltid vert tomt (er visst vanleg...) Ein fredags morgen i september åt eg frukost og las litt på ulike bloggar. Eg havna inne på Wollmeise sine sider, og plutseleg var der noko å kjøpe! Dette måtte prøvast, så eg fekk bestillt eit hespe merino superwash i fargen bringebær.


Når eg no var heime i helga fekk eg denne pakken. Pappa hadde nesten klart å vere for sein å hente den, og pakken var putta i returkassa. Inne i den låg ei skjerfoppskrift, litt godteri eg eit knallrosa hespe fiiiiint garn. Fargen er ikkje typisk meg, men eg trur nok det blir eit fint sjal etter kvart. Eg har ikkje tenkt å strikke noko på pinne 2 i alle fall...

Fantastiske sokkar!

Etter at eg fekk sjå sokkane systra mi hadde strikka før jul, gjekk eg rett i ein nettbutikk og bestilte garnet. Fargane er fantastiske og akkurat slik eg ville ha dei!


Sidan sokkemønstera eg fann var for tynnare garn, bestemte eg meg for å bruke Drops design si oppskrift. Etter å ha strikka 20 cm av skaftet skjønte eg kvifor det sto herresokkar i overskrifta; leggen var laga for skikkelige mannebein, noko eg ikkje har. Eg fakk redda meg litt inn, men dei er framleis litt store i skaftet. Desse er favorittar i støvlane, og når eg vil ha gode tjukke sokkar å hive utanpå buksa :)


Mønster: Drops herresokkar i Big Fabel
Garn: Big Fabel frå Drops, farge 677p - grønn/turkis
Pinnar: 4
Ferdig mai 2011

Et lite testprosjekt

Eg har høyrt mykje bra om garnet Lerke (50/50 ull bomull), så eg tenkte eg skulle prøve det. Eg syns det deler seg litt, men det er jo mjukt og godt. Sokkane er frå Nøstebarn, og då eg skynda meg for å bli ferdig las eg litt feil i oppskrifta. I staden for 8 riller strikka eg 8 rader... Så dei er litt korte i skaftet, men kan sikkert brukast likevel.

Mønster: Madam Møllers babysokkar #1904, Nøstebarn
Pinnar: 3
Garn: Lerke
Ferdig: mai 2011

Ei lita gåve

Ei venninne av meg fekk ein liten gut i mars (vel, tre av mine venninner fekk kvar sin gut i mars...) så då måtte det stikkast litt. Desse vart til på tidlegare nemnt Harstadtur, og sendt i veg til Trondheim.

Mønster: Vottar og smetteskjerf
Pinnar: 3
Garn: Viking Edda garn, lys lilla
Ferdig: mars 2011

Blueberry waffles

Sidan eg byrja å strikke har eg sett mykje fint som eg kunne tenkt meg. Ein av dei første tinga var desse sokkane, kanskje mykje på grunn av fargen. Då eg fann oppskrifta var denne veldig mykje enklare enn eg hadde trudd, og det tok ikkje lang tid før desse var ferdige. Mønsteret er litt vridd, så neste gong vil eg prøve å få vridd det på plass før eg byrjar på helen. Og eg kjeme nok til å strikke eit par til, ja.

Dei vart strikka då eg i mars tilbrakte eit par veker i Harstad. Vi hadde ikkje så mykje å finne på ein heil kveld på hotellrommet, men kvitvin og strikking gjorde kveldane litt betre :)


Mønster:Blueberry waffles
Garn: Silja
Pinnar 3,5
Ferdige: mars 2011

Babysokkar med blondekant

Lilla er ein farge som eg meiner går både til gutar og jenter. Nå eg då ikkje visste om det blei gut eller jente passa dette perfekt. Dei blei søte, men likte ikkje heilt foten. Blondemønsteret bør òg repeterast tre gonger for å få ein høgre kant.


Mønster: Baby booties with lace edge
Pinnar: 3?
Garn: Viking Eddagarn, lyselilla
Ferdige: mars 2011

Lenka til mønsteret er til Ravelry. Dette er eit lukka område berre for medlemmer. Det er gratis og veldig verdt å logge seg inn. Her kan ein finne mønster til det meste, og sjå kva andre har laga av garnet ein har liggane.

Vaskekluta

Då var det gått ei lang stund med same tendens som i vår; strikkinga held fram, men bloggen blir nedprioritert.


Eit enkelt prosjekt når ein byrjar å strikke er klutar, eller koppetuer som eg ser det vert kalla. Etter at eg flytta aleine i mai har det vert greitt å ha ein liten stabel med klutar tilgjengeleg. Mønstert til desse er supert; enkelt og fint. Garnet veit eg ikkje heilt om er det beste sidan det er behandla, men det var det eg hadde for hand :)


Mønster: Husmor Marias koppetue
Garn: Gjestdal Bomull Sport
Pinne: 4

Sokkedilla

Då har eg faktisk klart å gjere ferdig noko av dei tinga eg har hatt liggande :D

Spiralsokkar


Strikka desse etter ei oppskrift i Hjemmet. Etter å ha strikka ein og ein halv sokk la eg dei vekk. Då eg skulle gjere dei ferdi var utklippet forsvumme, og eg måtte improvisere fellinga. Men dette gjekk faktisk bra, og eg fekk ferdi mine første sokkar :)At dei ikkje har hel gjer at det blir litt ekstra stoff på rista, men dei er gode og varme som sofakosesokkar.


Mønster: Spiralsokkar
Pinnar: 3 1/2
Garn: Trysil

Vanlege sokkar


Etter at eg fekk ferdi spiralsokkane måtte eg prøve meg på nokon "skikkelige" sokkar med helfelling. For ei stund sidan kjøpte eg eit par nøste med skikkelig godterigarn, og desse hadde ei oppskrift på bandreolen. Etter å ha komt meg igjennom den er eg ikkje 100 % fornøgd, men sokkar er det blitt, i ein svært frisk fargekombinasjon:) Den første sokken vart allllt for lang då eg målte frå feil stad, men etter litt opprekking er dei tilnærma like.


Mønster: frå bandreolen til Labbegarn
Pinnar: 3 1/2
Garn: Labbegarn, Trysil

Året som har gått

Målet mitt med denne bloggen var å lære å stikke og blogge om dette. Eg har lært å strikke, men blogging har det vert dårlegare med. Hausten var det til no mest travle semesteret eg har hatt, og det ver ikkje berre strikking og blogging som måtte nedprioriterast.

Status februar 2011
Ferdig:
fire par babysokker
ett smetteskjerf
to par sokkar til meg sjølv
eit skjerf
ein kalorimetri
eit panneband
eit par vottar til mamma
to kjøkkenklutar

UFOar:
eit par babysokkar
ei babyjakke
eit teppe(snart ferdig)
ei hue
babyselbuvottar